ಮೈಸೂರು _10 _ಡಿಸೆಂಬರ್ 2022 : ದಕ್ಷಿಣ ಭಾರತ ಕ್ರೈಸ್ತ ಸಬೆ - ಕರ್ನಾಟಕ ದಕ್ಷಿಣ ಸಭಾ ಪ್ರಾಂತ್ಯದ 'ಮೈಸೂರು ಪ್ರದೇಶ ಪರಿಷತ್' ಆಯೋಜಿಸಿದ್ದ 'ಕ್ರಿಸ್ತ ಜಯಂತಿ ಗಾಯನ ಸ್ಪರ್ಧೆ' ಯು ಮೈಸೂರಿನ ವೆಸ್ಲಿ ಚರ್ಚ್ನ ಗಿಲ್ಡ್ ಹಾಲ್ ಸಭಾಂಗಣದಲ್ಲಿ ಯಶಸ್ವಿಯಾಗಿ ನೆರವೇರಿತು. ವಿವಿಧ ಸ್ಥಳದ ಸಭೆಗಳಿಂದ 'ಗಾಯನ ವೃಂದ'ಗಳು ಸ್ಪರ್ಧೆಯಲ್ಲಿ ಪಾಲ್ಗೊಂಡು ಕ್ರಿಸ್ತರ ಮಹಿಮಾ ಗೀತೆಗಳನ್ನು ಪ್ರಸ್ತುತ ಪಡಿಸಿದರು. ವಿಜೇತರಿಗೆ ನಗದು ಮತ್ತು ವಿನ್ನರ್ ಕಪ್ , ಹಾಗೂ ಭಾಗವಹಿಸಿದ ಎಲ್ಲರಿಗೂ ನೆನಪಿನ ಕಾಣಿಕೆ ನೀಡಲಾಯಿತು.
ಮೈಸೂರು ಪ್ರದೇಶ ಪರಿಷತ್' ನ ಆಧ್ಯಕ್ಷರಾದ ರೆ. ಗುರುಶಾಂತರವರು ಸಂಪೂರ್ಣ ಜವಾಬ್ದಾರಿ ವಹಿಸಿದ್ದರು. ವೆಸ್ಲಿ ಮಹಾದೇವಾಲಯದ ಸಭಾಪಾಲಕರಾದ ರೆ. ಎಲೀಷ್ ಕುಮಾರ್ ರವರು ಎಲ್ಲಾ ವ್ಯವಸ್ಥೆಗಳಿಗೆ ಅಚ್ಚುಕಟ್ಟಾಗಿ ನೆರವೇರಲು ಸಹಕರಿಸಿದರು.
ಮೈ.ಪ್ರ.ಪ.ನ ಕಾರ್ಯದರ್ಶಿ ಜಾರ್ಜ್ ಮೋಹನ್ ಕುಮಾರ್, ಹಾಗೂ ಎಲ್ಲಾ ಕಾರ್ಯಕಾರಿ ಸಮಿತಿಯವರು ಹಾಗೂ ದೇವಾಲಯದ ಕಾರ್ಯದರ್ಶಿ ಈವನ್ ತೇಜ, ಸಂಧ್ಯಾ ಕಿರಣ್, ಡೆಬೋರ, ಸದಸ್ಯರು ಹಾಗೂ ವೆಸ್ಲಿ ಮಹಾದೇವಾಲಯದ ಯುವಕ ಯುವತಿಯರು ಕಾರ್ಯಕ್ರಮದ ಯಶಸ್ವಿಗೆ ಶ್ರಮಿಸಿದರು.
ಸಂಗೀತ ನಿರ್ದೇಶಕ ಟೋನಿ ರೋಸಾ಼ರಿಯೋ, ಸಂಗೀತ ನಿರ್ದೇಶಕ ಹಾಗೂ ಒಲವು ಫೌಂಡೇಶನ್' ನ ರಾಜ್ಯಾಧ್ಯಕ್ಷರಾದ ರಾಬರ್ಟ್ ಕವನ್ರಾಗ್, ಸಂತ ಜೋಸೆಫರ ಹಿ.ಪ್ರಾ.ಶಾಲೆಯ ಮುಖ್ಯೋಪಾಧ್ಯಾಯರಾದ ಜೋಸೆಫ್ ಲಾರೆನ್ಸ್ ಗಾಯನ ಸ್ಪರ್ಧೆಯ ತೀರ್ಪುಗಾರರಾಗಿದ್ದರು.
.jpeg)
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ